Kosova ka regjistruar një fitore me përmbysje kundër Çekisë pasditen e sotme (e shtunë) në stadiumin “Fadil Vokrri”.

“Dardanët” u larguan nga fusha me tri pikë të plota nga takimi i xhiros së katërt në kuadër të kualifikimeve për Kampionatin Evropian 2020, shkruan portali arbresh.info.

Vedat Muriqi dhe Mërgim Vojvoda ishin autorët e golave për skuadrën tonë, ndërsa për mysafirët portën e gjeti sulmuesi Patrik Schick.

Lojtari me notën më të lartë te skuadra jonë kombëtare është Fidan Aliti, i cili është vlerësuar me notën 7.7 nga Sofascore.

Lartë është vlerësuar edhe Vedat Muriqi (7.5), ndërsa autori i golit të fitores është vlerësuar me notën 7.0.

Edon Zhegrova është lojtari me notën më të dobët të ndeshjes – 6.1.

Te Republika Çeke lartë është vlerësuar anësori Jakup Jankto (7.7), sulmuesi Patrick Schick për golin (7.3) dhe qendërmbrojtësi Marek Suchy (7.5)./arbresh.info/